Баспа орталығы
21 желтоқсан 2020

«Кселл» АҚ атқарушы органының құрамын өзгерту туралы

Алматы, 21 желтоқсан 2020 жыл -  «Кселл» акционерлік қоғамы (бұдан әрі «Kcell» немесе «Компания») (LSE, KASE: KCEL; AIX: KCEL, KCEL .Y) - Қазақстанның телекоммуникациялық нарығындағы көшбасшы оператор, өз акционерлері мен инвесторларын 2021 жылдың 3 қаңтарынан бастап Бас атқарушы директор және Басқарма Төрағасы Каспарс Кукелис «Қазақтелеком» АҚ компаниялар тобындағы басқа жұмысқа ауысуына байланысты өз қызметінен кететіні туралы хабардар етеді. Бұл шешімді Компанияның Директорлар кеңесі 2020 жылғы 18 желтоқсанда мақұлдады.

Бас қаржы директоры Юрий Евгеньевич Харламов Компания Басқармасының жаңа Төрағасы сайланғанға дейін 2021 жылдың 3 қаңтарынан бастап Бас атқарушы директор мен Басқарма Төрағасының міндетін атқарушы болып тағайындалды.

Компанияның директорлар кеңесі Каспарс Кукелиске Kcell-ді дамытуға қосқан үлесі үшін алғысын білдіріп, оның жұмыс істеген уақытында Компания негізгі қаржылық және операциялық көрсеткіштерді айтарлықтай жақсартуға қол жеткізгенін атап өтті. Kcell Директорлар кеңесі Каспарсқа болашақ жобаларына табыс тіледі.

«Кселл» АҚ Басқармасының өзгертілген құрамы:

  1. Харламов Юрий Евгеньевич - Басқарма мүшесі, Бас қаржы директоры; Бас атқарушы директордың және Басқарма Төрағасының міндетін атқарушы
  2. Ельцов Сергей Валерьевич – Басқарма мүшесі, Құқықтық мәселелер жөніндегі бас директор;
  3. Есеркегенов Аскар Алибекович – Басқарма мүшесі, Бас техникалық директор.

Анықтама үшін:

Kcell

 

Инвесторлармен байланыс

 

Ирина Шоль

Tel: +7 727 2582755 ішкі тел. 1002

Investor_relations@kcell.kz

 

 

Шетел БАҚ

 

Instinctif Partners

Tel: +44 207 457 2020

Кей Ларсен, Галина Кулачек

 

 

Компания туралы

Kcell мобильді дауыстық байланыс, қысқа хабарламалар жіберу қызметтерін, мультимедиялық хабарламалармен алмасу, мобильді контентке қолжетімділік сияқты қосымша қызметтерді (VAS), сондай-ақ деректерді беру, соның ішінде Интернет желісіне қолжетімділік қызметтерін ұсынады. Нарықта компания екі брендпен ұсынылған: нысаналы аудиториясы корпоративтік клиенттер (соның ішінде мемлекеттік мекемелер) болып табылатын Kcell және бұқаралық нарық абоненттеріне бағдарланған Activ. Компания ҚР-ның бүкіл дерлік аумағын  қамтитын өзінің кең ауқымды жоғары сапалы мобильді байланыс желісінің көмегімен қызмет көрсетеді.

2012 жылғы желтоқсан айында Kcell Лондон қор биржасында GDR (жаһандық депозитарлық қолхаттарын) және Қазақстан қор биржасында жай акцияларын сәтті орналастыруды аяқтады. Баға бір GDR үшін 10,50 АҚШ доллары және бір акция үшін 1,578.68 теңге деңгейінде белгіленді, бұл ретте бір GDR бір акцияға сәйкес келеді. Орналастыру Kcell акционерлік капиталының 25%-дық үлесіне сәйкес келетін 50 миллион дана санындағы акцияларды сатуын қамтыды.

2018 жылғы 21 желтоқсанда «Қазақтелеком» АҚ  Kcell-дің Telia Company және Fintur Holdings B.V. компанияларына тиесілі 75% акциясын сатып алды.

Алдағы уақытта компания желілік қамтуды кеңейту және жоғары сапалы байланыс қызметін ұсыну үшін өзінің 3G/4G желісін дамытуға инвестициялауды жалғастыруды жоспарлап отыр. Kcell өз өнімдері мен қызметтерін бәсекеге қабілетті бағалармен ұсынып, өнімдері мен қызметтерінің ассортиментін кеңейтіп, өз желісінің сапасын қамтамасыз етіп және өз брендінің құндылығын арттырып, мобильді байланыс нарығында қызмет көрсетудің  жоғарғы стандарттарын қолдауға ұмтылады.