Мобильді құрылғыны тіркеу

Құрылғыны тіркеңіз



жеке кабинетте


*660# нөмірді теріп


ЖСН-ңызды 6006 нөміріне жіберіп


WhatsApp және Telegram боттар арқылы

Сурақтарға жауапттар

Абоненттік құрылғы дегеніміз не және не себепті мен одан өтуім керек?

«Байланыс туралы» заңға сәйкес абоненттер ұялы байланыс операторларында абоненттік құрылғыларын (мобильді телефондарын, планшеттерін, модемдерін, SIM-картасы бар сағаттарын және т.с.с.) ЖСН/БСН нөмірлері бойынша тіркеуі тиіс. Барлық абоненттер өз мобильді құрылғыларын тіркеуге жауапкершілікпен қарап, мұны уақытылы жасауы керек.

Мен қалай тіркелемін?

Ең оңай тәсіл - SMS арқылы тіркелу. Сіз 6006 қысқа нөмірінен қажетті тіркеу туралы ақпараты бар SMS аласыз. Оған жауап ретінде өз ЖСН жіберу керек.

Өз еркіңізбен 6006 нөміріне ЖСН нөмірін жіберуге болады. Кейін, сізге одан әрі тіркеу үшін қабылданғандығы туралы хабарлама келеді.

Телефонда *660# USSD-командасын теру керек және қоңырау шалу батырмасын басу керек. Кейін сіздің ЖСН нөмірін енгізу үшін жол ашылады және «Жөнелту» батырмасын басу керек.

Үшінші тәсілмен тіркелу үшін абонент ұялы байланыстың қандай брендін пайдалануына байланысты kcell.kz немесе activ.kz сайттарында «Жеке кабинетке» рұқсаты болуы керек. «Жеке кабинетке» кіру кезінде «Тіркеу» бөлімін таңдау керек. Тиісті бетте талап етілетін тіркеу деректерін енгізу керек. Кейін берілген деректер, құрылғыны тіркеу үшін өңдеуге қабылданатын болады.

ЖСН қайда табуға болады?

ЖСН нөміріңізді білу үшін сіз

ескі үлгідегі куәліктің:

  • алдыңғы жағындағы туған күніңіздің астын
  • артқы жағындағы штрих-кодтың астын

жаңа үлгідегі куәліктің:

  • алдыңғы жағындағы ЖСН / ИИН бағанын

паспорттың:

  • ЖСН/ID No бағанын тексере аласыз

Роумингте құрылғыны қалай тіркеуге болады?

Роумингтегі абоненттер өз құрылғыларын келесі тәсілдермен:

  • My Kcell/activ жеке кабинетінде;
  • WhatsApp (+77022577399)/Telegram (@ActivKcellBot) боттарының мобильді қолданбалары арқылы тіркей алады.

Тіркелу ақылы ма?

Абоненттік құрылығының сәйкестендіру кодын тіркеу, сіз тіркеуге жататын құрылғы санына қарамастан тегін іске асырылады.

Егер мен құрылғыны тіркемесем, не болады?

Заңның талаптарына сәйкес, Қазақстанда барлық ұялы байланыс операторларының тіркелмеген абоненттік құрылғылар бойынша байланыс қызметтерін көрсетуге құқығы жоқ. Тіркелмеген құрылғыға SIM-карта салғанда, Сіз құрылғыларды тіркеу қажеттілігі туралы SMS аласыз. Бұл ретте қоңыраулар қабылдау немесе шалу, 6006 немесе USSD *660#OK нөмірлерінен басқа нөмірлерге SMS жіберу мүмкін болмайды. Мобильді интернетті тек тіркеу жүргізу үшін ғана пайдалануға болады.

Мен қай уақытқа дейін құрылғыны тіркей аламын?

2018 жылғы 31 желтоқсанға дейін Астана уақыты бойынша сағат 23:59 дейін құрылғыны тіркеу керек. Әрине, дұрысы бұдан ертерек жасау керек.

2019 жылғы 1 қаңтардан бастап ұялы телефон немесе құрылғы бұғатталады ма?

Заңның талаптарына сәйкес Қазақстанда барлық ұялы байланыс операторларының тіркелмеген абоненттік құрылғылар бойынша байланыс қызметтерін көрсетуге құқығы жоқ. Тіркелмеген құрылғыға SIM-карта салғанда, Сіз құрылғыларды тіркеу қажеттілігі туралы SMS аласыз. Бұл ретте қоңыраулар қабылдау немесе шалу, 6006 немесе USSD *660#OK нөмірлерінен басқа нөмірлерге SMS жіберу мүмкін болмайды. Мобильді интернетті тек тіркеу жүргізу үшін ғана пайдалануға болады.

Егер құрылғы ЖСН-ге тіркеулі болмаса, онда осы ЖСН бойынша барлық нөмірлер немесе тек осы құрылғыда тұрған нөмір бұғатталады ма?

Нөмірлер бұғатталмайды, тек тіркелмеген құрылғы бұғатталады.

Тіркелмеген құрылғыға SIM-картаны салу кезінде, сіз құрылғыны тіркеу қажеттілігі туралы SMS аласыз. Бұл ретте, қоңырау шалуға немесе қабылдауға, 6006 нөмірінен басқа өзге нөмірге SMS жіберуге мүмкіндік болмайды. Мобильді интернетті тек тіркеу үшін пайдалана аласыз.

Балалардың құрылғыларын қалай тіркеуге болады?

Егер 14 жасқа толмаған бала құрылғыны пайдаланған болса, онда ата-анасы құрылғыны өз ЖСН-не тіркейді. Егер пайдаланушы 14 жасқа толған болса, онда ол құрылғыны өз ЖСН-не тіркей алады.

Мен өз ЖСН-ме неше құрылғыны тіркей аламын?

Бір ЖСН-ге өз атыңызға тіркеулі нөмірлерді тіркей аласыз.

Мен планшеттерді, модемдерді, роутерлерді, мобильді сағаттарды қалай тіркеймін?

Егер сіздің планшетте/модемде/роутерде/сағатта пайдаланылатын абоненттік нөміріңіз бүрын «Жеке кабинетте» авторизацияланбаған болса, онда мұндай абоненттік нөмір бойынша авторизациядан өту керек.

Бұл үшін SIM-картаны құрылғыдан (планешеттен, модемнен, роутерден, сағаттан) алу керек. Кейін телефонға SIM-картаны салу керек және 245 нөміріне SMS жіберу керек. Сіз жауап ретінде «Жеке кабинетке» кіру үшін пароль аласыз.

Одан әрі қайтадан тіркелетін құрылғыға (планешетке, модемге, роутерге, сағатқа) SIM-картаны салу керек және «Жеке кабинетте» авторизациядан өту керек. «Жеке кабинет» kcell.kz және activ.kz сайттарында бар. Кейін тіркелетін құрылғының абоненттік нөмірі бойынша Жеке кабинетте Келісімді қабылдауды растау керек және құрылғыны тіркеуден өткізу керек.

Егер сіздің iPad iPhone-нан бір apple ID бойынша тіркелсе, iPad баптауында хабарлама жіберу үшін телефон нөмірін анықтаңыз.

Автодабылдарды, датчиктерді, трекерлерді, терминалдарды және тағы басқаларын тіркеуден өткізу қажет пе?

«Ұялы телефонның абоненттік құрылғыларын тіркеу ережесіне» сәйкес M2M (автомобиль дабылдамасы, датчиктер мен трекерлер, күзет жүйелері, терминалдар, шлюздер және т.б.) машинааралық өзара әрекеттесу құрылғысын тіркеу талап етілмейді.

M2M (машинааралық өзара әрекеттестік, Machine-to-Machine) — аспаптардың бір бірімен ақпарат алмасуына мүмкіндік беретін технологияның жалпы атауы. Бұл бір құрылғыдан екінші құрылғыға ақпарат беретін датчиктердің сымды және сымсыз жүйелері.

IMEI деген не?

Бұл зауытта дайындау кезінде телефонға «ендірілетін» әр абоненттік құрылғы (мобильді телефондар, планшеттер, модемдер, SIM-карталы сағаттар және т.б.) үшін халықаралық сәйкестендіргіш болып табылады. Бұл оның желісінде телефонды қуаттау кезінде оператор тарататын абоненттік құрылғының коды болып табылады. Ол желіде құрылғыны сәйкестендіру үшін қызмет етеді және аппарат жасақтамасында сақталады. Әдеттегідей, IMEI төрт жерде: аппараттың өзінде (көбінесе клавиатурада *#06# теру арқылы экранға шығаруға болады), аккумуляторлы батарея астында орауда және кепілдік талонында көрсетіледі.

Қазақстанда IMEI тіркеу не үшін қажет?

«Байланыс туралы» заңға сәйкес, бұл нормалар телефондарды ұрлау санын қысқартуға, сондай-ақ эксремизмммен және терроризммен күресті күшейту үшін керек.

Мұндай тәжірибе басқа елдерде бар ма?

Ұлыбританияда, Түркияда, Әзірбайжанда, Украинада және т.б. оңтайлы халықаралық тәжірибе бар.

Басқа елдерден келген туристерге өз құрылғыларын тіркеуге қажет пе?

Жоқ, егер олар роумингте тұрса, Қазақстанда өз құрылғыларын тіркеу қажет емес.

Егер менің смартфоным екі симкалы болса, тіркеуден қалай өтуге болады?

Егер сіз әртүрлі мобильді операторлардан екі SIM-карталы смартфонды пайдаланатын болсаңыз, онда байланыстың әр операторында құрылғыны тіркеу керек.

Мысалы, бір слота Kcell/Activ SIM-картасы болса, бұл жағдайда 6006 нөміріне тіркелу үшін ЖСН-нен SMS жібере аласыз.

Басқа операторда құрылғыны тіркеу үшін өзге операторлардың тіркеу алгоритмін қолдану керек.

Кейде екі симкалы смартфондарда бір немесе екі IMEI-коды болады. Егер смартфонда бір IMEI болған жағдайда, онда SIM-картаның әрқайсын өз слотына салу және операторлардың тіркеу алгоритмі бойынша құрылғыны тіркеу жеткілікті.

Егер смартфонда екі IMEI болса, онда кезектілікпен әр слотқа SIM-картаны салу керек және тіркеу керек. Ең алдымен бірінші слотқа SIM-карта салынады, мысалы Kcell/Activ, және тіркеледі, кейін осы слотқа басқа оператордың SIM-картасы салынады және ол да тіркеледі. Кейін Kcell/Activ SIM-картасы екінші слотқа беріледі және тіркеледі, осы жағдайлар оператор алгоритміне сәйкес, басқа оператордың SIM-картасында жасалады.

Егер екі симкалы телефонда бір нөмір компания атына, ал басқасы менің атыма тіркелген болса?

Егер бір абонеттік құрылғыда біреуі жек тұлғаның атына, екіншісі заңды тұлғаның немесе ЖК атына тіркелген екі нөмір болса, онда бұл абоненттік құрылғыда екі нөмір тіркелетін болады. Бір нөмір ЖСН-мен бірге жеке тұлғаның атына рәсімделген, екінші нөмір БСН-мен бірге заңды тұлғаның немесе ЖК атына рәсімделген.

Құрылғыны WhatsApp арқылы қалай тіркеуге болады?

  • Боттың +77022577399 нөмірін тіркелетін құрылғыға сақтаңыз.
  • Телефонды тіркеу мәтінін WhatsApp арқылы боттың нөміріне жіберіңіз.
  • ЖСН нөмірін жіберіңіз.

Құрылғыны Telegram арқылы қалай тіркеуге болады?

Тіркелетін құрылғы Telegram-ынан @ActivKcellBot аккаунтын табыңыз.

Telegram-да тіркеуге арналған құпия сөз алу үшін 245 нөміріне бос емес SMS жіберіңіз немесе *245# USSD пәрменін теріңіз.

Бот Set +77XXXXXXXXX YYYYYY мәтінін жіберіп, авторланыңыз, мұндағы X – Сіздің нөміріңіздің соңғы 9 цифры, Y – уақытша құпия сөз.

«77XXXXXXXXX нөмірі сіздің Telegram аккаунтыңызға байланыстырылды» деген авторлау туралы растама аласыз.

Телефонды тіркеу мәтінін жіберіңіз.